نصائح لشراء عقار في المغرب
قبل ما تسني العقد وتدفع العربون على أرض باغي تشريها.. حبّس هنا واقرا هاد الكلام مزيان
شراء الأرض هو حلم واستثمار كبير، ولكن الخطأ فيه قاصح بزاف! شحال من واحد حط رزقو في أرض، وفي الأخير اكتشف أنه شري السراب: يا إما فيها مشاكل مع الورثة، ولا دخل في أرض الجار، ولا ولا طايحة في تيار او مطلب ولا الاصميم شيء والواقع شيء آخرولا لوراق شيء والارض لا عااقة
باش تحمي راسك وتنعس مرتاح، ها 5 خطوات حاسمة خاصك تديرها قبل ما تحط تكتب وتوقع
كشّف على الوضعية القانونية للعقار
أرض محفظة
(Titre Foncier)
خرج "شهادة الملكية" حديثة من المحافظة العقارية باش تتأكد أن الأرض خالية من الرهون، والحجوزات القضائية، والتقييدات الاحتياطية.
أرض في طور التحفيظ (مطلب)؟ تأكد بلي ما كاينينش عليها تعرضات قائمة.
أرض ملكية (عدلية)؟ اطلب أصل الملكية وتأكد من تسلسل الملكية (الاستمرار) وبلي ما كاينينش ورثة خفيين.
جيب مهندس طبوغرافي للميدان (ما تيقش بالعين!)
لا تعتمد على الكلام المعسول، ولا على الحدود القديمة،
المهندس الطبوغرافي كينزل للأرض
يطابق المساحة الموجودة في العقد مع المساحة الحقيقية في الواقع.والوثائق مع الارض
يكشف واش كاين شي تداخل مع حدود الجيران ولا الطريق.
يحدد لك الحدود الدقيقة بالإحداثيات الوطنية الثابتة.
اسأل على وثائق التعمير
(Note d’urbanisme)
قبل ما تخلص، اطلب مذكرة المعلومات التعميرية من الوكالة الحضرية باش تعرف:
واش الأرض صالحة للبناء
(Zone constructible)
ولا فلاحية؟
سول على رخصة. البناء في الجماعة
واش ما دايزش منها شي شارع مستقبلي ولا خطوط كهرباء ذات جهد عالي تمنعك من البناء؟
رد البال من "مصيدة الشياع" راه كلو مشاكل وصداع
العقد يتكتب عند المختصين فقط
ما بقاش شي حاجة اسمها "عقد عرفي بيناتنا" في العقار! القانون المغربي صارم (المادة 4 من مدونة الحقوق العينية)، العقد خاصو يتكتب رسمياً عند العدول او الموثق
(Notaire)
نصيحة
"الفلوس اللي ن
خسرها في الاستشارة الطبوغرافية والتوثيقية قبل الشراء.. كتحميك من خسارة أضعاف أضعافها في المحاكم